Мабільная версія
ДЗЯРЖОРГАНЫ

Апошнія навіны
Усе навіны

Цыклон "Трэвар" рухаецца на Аўстралію: эвакуіраваны больш за 2 тыс. чалавек

У свеце 21.03.2019 | 17:21
У час эвакуацыі. Скрыншот з відэа SBS
У час эвакуацыі. Скрыншот з відэа SBS

21 сакавіка, Мінск /Кар. БЕЛТА/. На паўночнае ўзбярэжжа Аўстраліі рухаецца моцны цыклон "Трэвар", у сувязі з чым улады прынялі рашэнне эвакуіраваць больш за 2 тыс. мясцовых жыхароў. Гэта самая маштабная эвакуацыя перад цыклонам у гісторыі рэгіёна, паведамляе аўстралійскі тэлеканал SBS.

Былі эвакуіраваны жыхары населеных пунктаў каля ўзбярэжжа заліва Карпентарыя, а таксама ў раёне Макартур-Рывер і паблізу ракі Робінсан. Людзей у экстранным парадку перавозілі пры дапамозе ўсіх даступных відаў транспарту: аўтобусаў, паромаў, самалётаў, верталётаў. Цяпер у рэгіёне аб'яўлена надзвычайнае становішча, закрыты школы, паліцыя таксама распарадзілася прыпыніць работу прадпрыемстваў.

Згодна з прагнозамі метэаролагаў, трапічны цыклон сёння ўзмоцніцца ва ўсходняй частцы заліва Карпентарыя. Чакаецца, што на гэтым тыдні "Трэвар" дасягне паўночных берагоў Аўстраліі як цыклон чацвёртай катэгорыі. Не выключана, што ў далейшым ён узмоцніцца да пятай (максімальнай).

Спецыялісты прагназуюць, што "Трэвар" прынясе з сабой штармавы вецер з парывамі да 260 км/гадз і моцныя ліўні: магчыма выпаданне 100-200 мм ападкаў у дзень. Паколькі глеба пасля працяглай засухі не можа прыняць такую колькасць вільгаці, моцныя дажджы могуць прывесці да паводкі.

Раней на бягучым тыдні "Трэвар" абрушыўся на паўвостраў Кейп-Ёрк, штат Квінсленд. Моцны вецер паваліў дрэвы, парушыўшы транспартныя зносіны, пашкодзіўшы дахі будынкаў і лініі электраперадачы. Цыклон таксама выклікаў паводкі.-0-

Версія для друку
Навіны рубрыкі У свеце
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Змяненне меж Мінска У мэтах развіцця тэрыторыі, што прылягае да Нацыянальнага аэрапорта Мінск, змяняюцца межы Мінска і Смалявіцкага раёна Мінскай вобласці.