27 сакавіка, Мінск /Кар. БЕЛТА/. Выбары ў туркменскі парламент адбыліся. Аб гэтым 27 сакавіка заявіў кіраўнік ЦВК Туркменістана Гулмурат Мурадаў, паведамляе ТАСС.
Галасаванне адбылося ў нядзелю, 26 сакавіка. Паводле слоў Мурадава, папярэдняя яўка на выбарах склала 91,12 працэнта.
Усяго ў заканадаўчы орган Туркменістана неабходна было выбраць 125 дэпутатаў. Кандыдаты вылучаліся ад Партыі прамыслоўцаў і прадпрымальнікаў, Дэмакратычнай партыі і Аграрнай партыі. Акрамя таго, дэпутатаў маглі вылучыць ініцыятыўныя групы грамадзян.
26 сакавіка ў Туркменістане таксама прайшлі выбары членаў народных саветаў і органаў мясцовага самакіравання.-0-
