ДЗЯРЖОРГАНЫДЗЯРЖОРГАНЫ
Флаг Аўторак, 17 мая 2022
Мінск Суцэльная воблачнасць +6°C
Усе навіны
Усе навіны
У свеце
15 снежня 2021, 12:30

Цэны на газ у Еўропе перавысілі $1550 за тысячу кубаметраў

Фота РІА Навіны
Фота РІА Навіны

15 снежня, Мінск, /Кар. БЕЛТА/. Цэны ф'ючарсаў на газ у Еўропе ў пачатку таргоў упершыню з 6 кастрычніка перавысілі $1550 за тысячу кубаметраў. Аб гэтым сведчаць даныя лонданскай біржы ICE, паведамляе РІА "Навіны".

Кошт ф'ючарсаў па індэксе нідэрландскага TTF на адкрыцці гандлёвай сесіі крыху перавысіў $1480, пасля невялікага зніжэння пачаў дэманстраваць рост і на 10.22 (па мінскім часе) склаў $1553,9, што на 3,7 працэнта вышэй за разліковую цану напярэдадні - $1499 за тысячу кубаметраў.

Кошт газу на форвардным рынку прадаўжае расці. Сярэдняя цана студзеньскіх ф'ючарсаў у мінулым месяцы склала $960, а цяпер жа, паводле разлікаў РІА "Навіны", аналагічны паказчык вырас амаль да $1190. Сярэдняя цана на споце ў лістападзе амаль дайшла да $950, цяпер аналагічны паказчык наблізіўся да рэкорднай адзнакі $1130. Па выніках мінулага тыдня цэны на ICE Futures і Spot TTF замацаваліся на ўзроўні вышэйшым за $1200 за тысячу кубаметраў.

Адчувальны рост цэн на газ у Еўропе пачаўся з красавіка - мая, калі сярэдняя цана на споце па TTF вагалася ў дыяпазоне $250-300 за тысячу кубаметраў. Эксперты звязваюць рост цэн з нізкай запоўненасцю еўрапейскіх падземных сховішчаў, абмежаваннем прапанавання з боку асноўных пастаўшчыкоў і высокім попытам на звадкаваны прыродны газ у Азіі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі