ДЗЯРЖОРГАНЫДЗЯРЖОРГАНЫ
Флаг Субота, 16 кастрычніка 2021
Мінск Ясна +8°C
Усе навіны
Усе навіны
У свеце
28 верасня 2021, 09:41

Цана нафты Brent упершыню з 2018 года перавысіла $80 за бараль

Фота Global Look Press
Фота Global Look Press

28 верасня, Мінск /Кар. БЕЛТА/. Кошт бараля нафты Brent з пастаўкай у лістападзе ўпершыню з 23 кастрычніка 2018 года перавысіў $80, сведчаць даныя таргоў, паведамляе РІА Навіны.

Па стане на 7.16 (па мінскім часе) цана снежаньскіх ф'ючарсаў расла на 0,85 працэнта, да $79,36 за бараль, лістападаўскіх - на 0,83 працэнта, да $80,19, а раней у ходзе таргоў аўторка дасягала $80,35.

Лістападаўскія ф'ючарсы на WTI даражэюць на 0,85 працэнта - да $76,09 за бараль.

Рост цэн на нафту адбываецца на фоне прыкмет паляпшэння перспектыў попыту на сыравіну ў свеце, у той час як прапанаванне расце больш маруднымі тэмпамі. Рынкі таксама чакаюць новага прагнозу ОПЕК, які выйдзе ў аўторак.

"Попыт на нафту можа вырасці на 500 тыс. бараляў за дзень, паколькі высокія цэны на газ вымушаюць спажыўцоў пераходзіць на іншую сыравіну", - сказаў агенцтву Bloomberg аналітык па сыравінных таварах Commonwealth Bank of Australia Вівек Дхар. На думку эксперта, гэта ўзмоцніць дэфіцыт прапанавання на рынках, асабліва з улікам таго, што ОПЕК+ толькі нязначна павялічвае здабычу.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі