30 лістапада, Мінск /Кар. БЕЛТА/. Цана газу ў Еўропе ў ходзе таргоў у аўторак упершыню з 17 лістапада паднялася да адзнакі 100 еўра за МВт/гадз. Аб гэтым сведчаць даныя лонданскай біржы ICE, паведамляе ТАСС.
Цана студзеньскага ф'ючарса на хабе TTF у Нідэрландах вырасла да амаль $1174 за 1 тыс. куб.м, або 100 еўра за МВт/ч. Агульны рост кошту газу ў Еўропе ў параўнанні з цаной закрыцця напярэдадні складае каля 7 працэнтаў.
Крызіс у газавай галіне Еўропы абвастрыўся ў пачатку восені пасля таго, як спотавыя цэны на газ сталі імкліва расці і амаль дасягалі $2 тыс. за 1 тыс. куб.м на фоне нізкай запоўненасці газавых сховішчаў. Паводле даных на сярэдзіну кастрычніка, еўрапейскія падземныя газавыя сховішчы запоўнены на 71 працэнт ад аб'ёму газу, паднятага з іх у мінулым сезоне.-0-