16 сакавіка, Мінск /Кар. БЕЛТА/. У большасці краін Еўропы кошт бензіну на запраўках прабіў псіхалагічную адзнаку ў два еўра. Усяго з пачатку года кошт паліва вырас на 25 працэнтаў, паведамляе тэлеканал "МІР 24".
Рост цэн на бензін адбіўся не толькі на радавых аўтааматарах, але і на дальнабойшчыках. Так, вадзіцелі грузавікоў у Італіі на гэтым тыдні аб'явілі аб прыпыненні перавозак на нявызначаны тэрмін. З такой заявай выступілі і рыбакі, якія таксама запраўляюць свае катары дызелем.
Такая сітуацыя можа прывесці да збояў у пастаўках прадукцыі. У еўрапейскіх магазінах ужо назіраецца небывалы ажыятаж. Людзі змятаюць з паліц тавары першай неабходнасці. У некаторых гандлёвых кропках нават устаноўлены ліміт на продаж прадуктаў у адны рукі.-0-