5 кастрычніка, Мінск /Кар. БЕЛТА/. Прэзідэнт ЗША Дональд Трамп зацвердзіў новую нацыянальную стратэгію барацьбы з тэрарызмам, паведамляецца на сайце Белага дома.
"Калі справа даходзіць да тэрарызму, мы зробім усё, што неабходна для абароны нашай нацыі", - адзначаецца ў паведамленні амерыканскага лідара.
Як падкрэслілі ў Белым доме, гэта першая надзейная і цалкам сфармуляваная стратэгія ЗША па барацьбе з тэрарызмам з 2011 года. У стратэгіі выкладаецца новы падыход да процідзеяння і прадухілення тэрарыстычнай пагрозы.
Нацыянальная стратэгія сканцэнтравана на праследаванні тэрарыстаў, ізаляцыі тэрарыстаў ад крыніц іх фінансавання, мадэрнізацыі і інтэграцыі сродкаў барацьбы з тэрарызмам у ЗША, абароне амерыканскай інфраструктуры, барацьбе з вярбоўкай тэрарыстаў, умацаванні контртэрарыстычных магчымасцей міжнародных партнёраў ЗША.
Адзначаецца, што новая стратэгія грунтуецца на ўроках, атрыманых з намаганняў мінулых гадоў па барацьбе з тэрарызмам, і прапануе новы шлях да ўмацавання бяспекі амерыканцаў.-0-