27 мая, Мінск /Кар. БЕЛТА/. Прэзідэнт ЗША Дональд Трамп 27 мая прыгразіў пачаць рэгуляваць або закрываць сацыяльныя сеткі, паведамляе Reuters.
Дональд Трамп абвінаваціў сацыяльныя сеткі і аналагічныя тэхналагічныя платформы ў палітычнай прадузятасці. "Рэспубліканцы лічаць, што сацыяльныя медыяплатформы цалкам заглушаюць галасы кансерватараў. Мы будзем рэгуляваць або закрываць іх (сацсеткі), перш чым дазволім гэтаму адбыцца", - заявіў прэзідэнт ЗША.
Гэта заява была зроблена на наступны дзень пасля таго, як сацыяльная сетка Twitter упершыню дабавіла на некаторыя твіты прэзідэнта ЗША папярэджанне, якое заклікае чытачоў правяраць факты з яго паведамленняў. Выступаючы з заявай аб магчымым пачатку рэгулявання работы сацсетак, Дональд Трамп таксама запатрабаваў ад Twitter неадкладна выключыць з яго публікацый паметкі аб магчымай недакладнасці.-0-