Фота з архіва
14 сакавіка, Мінск /Кар. БЕЛТА/. Прэзідэнт ЗША Дональд Трамп заявіў, што 13 сакавіка адбылася "вельмі добрая і прадуктыўная" размова з кіраўніком расійскай дзяржавы Уладзімірам Пуціным аб урэгуляванні канфлікту ва Украіне. Аб гэтым паведамляе ТАСС.
"Мы ўчора правялі вельмі добрыя і прадуктыўныя абмеркаванні з прэзідэнтам Расіі Уладзімірам Пуціным, і ёсць усе шанцы, што гэта жудасная, крывавая вайна нарэшце закончыцца", - напісаў Трамп у сацыяльнай сетцы Truth Social.
Ён таксама заявіў, што папрасіў свайго расійскага калегу пашкадаваць некалькі тысяч украінскіх ваеннаслужачых, якія трапілі ў акружэнне. Пры гэтым амерыканскі лідар не растлумачыў, ці меў ён на ўвазе тэлефонную размову з расійскім лідарам або гутарку Пуціна са спецпасланнікам прэзідэнта ЗША Стывенам Уіткафам.
Раней прэс-сакратар прэзідэнта РФ Дзмітрый Пяскоў паведаміў, што Пуцін позна ўвечары 13 сакавіка прыняў Уіткафа, праз якога ён перадаў інфармацыю Трампу. Тэмы размовы Пуціна і Уіткафа прадстаўнік Крамля не раскрыў. Як 12 сакавіка паведаміла прэс-сакратар Белага дома Кэралайн Лівіт, спецпасланнік амерыканскага лідара адпраўляецца ў Маскву, каб абмеркаваць урэгуляванне канфлікту ва Украіне.
Стывен Уіткаф, які раней удзельнічаў у перагаворах з расійскай дэлегацыяй у Эр-Рыядзе 18 лютага, прыбыў у Маскву днём 13 сакавіка. Паводле інфармацыі крыніцы ТАСС, ён пакінуў расійскую сталіцу сёння.-0-
"Мы ўчора правялі вельмі добрыя і прадуктыўныя абмеркаванні з прэзідэнтам Расіі Уладзімірам Пуціным, і ёсць усе шанцы, што гэта жудасная, крывавая вайна нарэшце закончыцца", - напісаў Трамп у сацыяльнай сетцы Truth Social.
Ён таксама заявіў, што папрасіў свайго расійскага калегу пашкадаваць некалькі тысяч украінскіх ваеннаслужачых, якія трапілі ў акружэнне. Пры гэтым амерыканскі лідар не растлумачыў, ці меў ён на ўвазе тэлефонную размову з расійскім лідарам або гутарку Пуціна са спецпасланнікам прэзідэнта ЗША Стывенам Уіткафам.
Раней прэс-сакратар прэзідэнта РФ Дзмітрый Пяскоў паведаміў, што Пуцін позна ўвечары 13 сакавіка прыняў Уіткафа, праз якога ён перадаў інфармацыю Трампу. Тэмы размовы Пуціна і Уіткафа прадстаўнік Крамля не раскрыў. Як 12 сакавіка паведаміла прэс-сакратар Белага дома Кэралайн Лівіт, спецпасланнік амерыканскага лідара адпраўляецца ў Маскву, каб абмеркаваць урэгуляванне канфлікту ва Украіне.
Стывен Уіткаф, які раней удзельнічаў у перагаворах з расійскай дэлегацыяй у Эр-Рыядзе 18 лютага, прыбыў у Маскву днём 13 сакавіка. Паводле інфармацыі крыніцы ТАСС, ён пакінуў расійскую сталіцу сёння.-0-
Падпісвайцеся на нас у
