Дональд Трамп. Фота АР
5 снежня, Мінск /Кар. БЕЛТА/. Прэзідэнт ЗША Дональд Трамп плануе да 25 снежня аб'явіць аб пачатку рэалізацыі другога этапу плана па ўрэгуляванні ў сектары Газа. Аб гэтым паведамляе ТАСС са спасылкай на партал Axios.
Паводле слоў крыніц партала з ліку службовых асоб ЗША, амерыканскі лідар мае намер "да Раства заявіць аб уступленні працэсу мірнага ўрэгулявання ў Газе ў другую фазу і прадставіць новую структуру, якая будзе кіраваць анклавам". Як чакаецца, Дональд Трамп да канца снежня сустрэнецца з прэм'ер-міністрам Ізраіля Біньямінам Нетаньяху для абмеркавання гэтых крокаў.
Другі этап плана будзе прадугледжваць вывад ізраільскіх войскаў з сектара Газа, размяшчэнне ў ім "міжнародных стабілізацыйных сіл", а таксама пачатак работы структур па кіраванні анклавам, уключаючы "Савет міру". Партал адзначае, што ключавы элемент першага этапу плана - вызваленне палесцінскім рухам ХАМАС усіх выкрадзеных і вяртанне астанкаў загінулых заложнікаў - амаль выкананы.
"Савет міру" будзе ўключаць "каля дзясятка лідараў заходніх і арабскіх дзяржаў". Яму будзе падпарадкоўвацца выканаўчы камітэт, у які ўвойдуць былы прэм'ер-міністр Вялікабрытаніі Тоні Блэр, спецпасланнік прэзідэнта ЗША Стывен Уіткаф, зяць амерыканскага лідара Джарэд Кушнер, а таксама шэраг іншых асоб. Як удакладняецца ў публікацыі, "пад кіраўніцтвам камітэта будзе працаваць палесцінскі ўрад, які ўключае тэхнакратаў". У яго складзе будуць "12-15 палесцінцаў, якія маюць вопыт работы ў сферы кіравання і бізнесу і не маюць сувязей з ХАМАС, ФАТХ або іншымі палесцінскімі партыямі або фракцыямі".
Як паведаміў партал, Азербайджан, Егіпет, Інданезія і Турцыя, у прыватнасці, згадзіліся на тое, каб іх ваеннаслужачыя ўвайшлі ў склад міжнародных стабілізацыйных сіл. Прадстаўнікі ЗША, Катара і Турцыі абмяркоўваюць з ХАМАС дамоўленасці наконт пачатку раззбраення гэтага руху і змяншэння яго кантролю над сектарам Газа.
Ізраіль і ХАМАС 9 кастрычніка пры пасрэдніцтве Егіпта, Катара, ЗША і Турцыі дамовіліся аб рэалізацыі першага этапу мірнага плана, прадстаўленага Дональдам Трампам. Рэжым спынення агню ў Газе ўступіў у сілу 10 кастрычніка. Ізраільскія войскі ў адпаведнасці з пагадненнем адышлі на "жоўтую лінію", захаваўшы пад сваім кантролем больш за 50 працэнтаў тэрыторыі анклава. Трамп раней заяўляў, што ўзначаліць "Савет міру", які павінен будзе ўзяць на сябе знешняе кіраванне Газай на пераходны перыяд. Кіраўнік вашынгтонскай адміністрацыі ў лістападзе паведаміў, што гэта структура будзе ўключаць лідараў "вельмі важных і вельмі паважаных дзяржаў".-0-
Паводле слоў крыніц партала з ліку службовых асоб ЗША, амерыканскі лідар мае намер "да Раства заявіць аб уступленні працэсу мірнага ўрэгулявання ў Газе ў другую фазу і прадставіць новую структуру, якая будзе кіраваць анклавам". Як чакаецца, Дональд Трамп да канца снежня сустрэнецца з прэм'ер-міністрам Ізраіля Біньямінам Нетаньяху для абмеркавання гэтых крокаў.
Другі этап плана будзе прадугледжваць вывад ізраільскіх войскаў з сектара Газа, размяшчэнне ў ім "міжнародных стабілізацыйных сіл", а таксама пачатак работы структур па кіраванні анклавам, уключаючы "Савет міру". Партал адзначае, што ключавы элемент першага этапу плана - вызваленне палесцінскім рухам ХАМАС усіх выкрадзеных і вяртанне астанкаў загінулых заложнікаў - амаль выкананы.
"Савет міру" будзе ўключаць "каля дзясятка лідараў заходніх і арабскіх дзяржаў". Яму будзе падпарадкоўвацца выканаўчы камітэт, у які ўвойдуць былы прэм'ер-міністр Вялікабрытаніі Тоні Блэр, спецпасланнік прэзідэнта ЗША Стывен Уіткаф, зяць амерыканскага лідара Джарэд Кушнер, а таксама шэраг іншых асоб. Як удакладняецца ў публікацыі, "пад кіраўніцтвам камітэта будзе працаваць палесцінскі ўрад, які ўключае тэхнакратаў". У яго складзе будуць "12-15 палесцінцаў, якія маюць вопыт работы ў сферы кіравання і бізнесу і не маюць сувязей з ХАМАС, ФАТХ або іншымі палесцінскімі партыямі або фракцыямі".
Як паведаміў партал, Азербайджан, Егіпет, Інданезія і Турцыя, у прыватнасці, згадзіліся на тое, каб іх ваеннаслужачыя ўвайшлі ў склад міжнародных стабілізацыйных сіл. Прадстаўнікі ЗША, Катара і Турцыі абмяркоўваюць з ХАМАС дамоўленасці наконт пачатку раззбраення гэтага руху і змяншэння яго кантролю над сектарам Газа.
Ізраіль і ХАМАС 9 кастрычніка пры пасрэдніцтве Егіпта, Катара, ЗША і Турцыі дамовіліся аб рэалізацыі першага этапу мірнага плана, прадстаўленага Дональдам Трампам. Рэжым спынення агню ў Газе ўступіў у сілу 10 кастрычніка. Ізраільскія войскі ў адпаведнасці з пагадненнем адышлі на "жоўтую лінію", захаваўшы пад сваім кантролем больш за 50 працэнтаў тэрыторыі анклава. Трамп раней заяўляў, што ўзначаліць "Савет міру", які павінен будзе ўзяць на сябе знешняе кіраванне Газай на пераходны перыяд. Кіраўнік вашынгтонскай адміністрацыі ў лістападзе паведаміў, што гэта структура будзе ўключаць лідараў "вельмі важных і вельмі паважаных дзяржаў".-0-
Падпісвайцеся на нас у
