Мабільная версія
ДЗЯРЖОРГАНЫ

Апошнія навіны
Усе навіны

Трамп афіцыйна згадзіўся стаць кандыдатам ад рэспубліканцаў на пасаду прэзідэнта ЗША

У свеце 22.07.2016 | 10:43
Дональд Трамп
Дональд Трамп

22 ліпеня, Мінск /Кар. БЕЛТА/. Мільярдэр Дональд Трамп, якога 19 ліпеня зацвердзілі на ролю кандыдата ад Рэспубліканскай партыі на пасаду прэзідэнта ЗША, афіцыйна згадзіўся балаціравацца ў прэзідэнты, паведамляюць інфармацыйныя агенцтвы.

З такой заявай Трамп выступіў 21 ліпеня на партыйным з'ездзе, які прайшоў у Кліўлендзе. У сваёй прамове палітык паведаміў, што ўдзячны людзям за магчымасць быць вылучаным у якасці кандыдата ў прэзідэнты ЗША. Амерыканскі мільярдэр падкрэсліў, што, з'яўляючыся прэзідэнтам, ён зможа забяспечыць у краіне законнасць і правапарадак.

Далей Трамп расказаў, што тысячы нелегальных імігрантаў, якія знаходзяцца ў ЗША, неабходна дэпартаваць, паколькі яны з'яўляюцца пагрозай для грамадзян краіны. Палітык лічыць, што дазваляць уезд у ЗША трэба толькі тым бежанцам, якія падзяляюць амерыканскія каштоўнасці і любяць народ Амерыкі.

Не абышоў у сваёй размове Трамп і тэрарыстычную групоўку "Ісламская дзяржава". Мільярдэр заявіў, што ЗША павінны нанесці поўнае паражэнне баевікам ІД і пакласці канец іх вылазкам. Са слоў Трампа, каб паспяхова змагацца з тэрарызмам, неабходна мець лепшую ў свеце разведку.

У сваім выступленні Дональд Трамп паабяцаў, што ў выпадку выбрання яго прэзідэнтам ЗША, ён зможа зрабіць Амерыку працвітаючай краінай. Для гэтага мільярдэр мае намер ператварыць нявыгадныя гандлёвыя пагадненні ў прыбытковыя і аднавіць аслабленыя Узброеныя сілы.-0-

Версія для друку
Навіны рубрыкі У свеце
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Партрэт кандыдата ў дэпутаты Усяго арганізаваны 5831 участак для галасавання, з якіх 46 за межамі краіны. Агульная колькасць выбаршчыкаў - 6 880 605 чалавек, з якіх за мяжой 3 682 чалавекі.