24 снежня, Мінск /Кар. БЕЛТА/. Большасць еўрапейскіх краін лічаць, што ўвядзенне санкцый супраць Расіі было залішнім, паколькі Масква, на іх думку, з'яўляецца важнай як з эканамічнага, так і з геапалітычнага пункту гледжання, піша The Washington Post.
Паводле даных газеты, у 2015 годзе прэм'ер-міністр Грэцыі Алексіс Цыпрас назваў іх бессэнсоўнымі, а пазней міністр унутраных спраў Італіі Матэа Сальвіні заявіў, што будзе дабівацца адмены санкцыйнага рэжыму.
Аўтары артыкула прыводзяць даныя апытання жыхароў краін Еўрасаюза. Так, у Іспаніі толькі 10 працэнтаў апытаных бачаць неабходнасць эканамічных санкцый супраць Расіі, а вось 62 працэнты палякаў, наадварот, запатрабавалі іх узмацнення. Акрамя таго, не ўсе еўрапейцы разглядаюць Расію як пагрозу для сваёй краіны. Так, у Венгрыі толькі 14 працэнтаў, а ў Грэцыі 39 працэнтаў згодны з гэтым меркаваннем. А вось жыхары Балгарыі лічаць, што самай вялікай пагрозай з'яўляюцца ЗША.
Тым не менш, хоць насельніцтва пэўных дзяржаў падтрымлівае санкцыі, бізнес-эліта гэтых жа краін застаецца абыякавай да забарон. Расія з'яўляецца важным гандлёвым партнёрам, напрыклад, для Польшчы, паколькі польскія экспарцёры з многіх сектараў адпраўляюць свае тавары і паслугі на ўсход. Таксама, нягледзячы на санкцыі, РФ па-ранейшаму з'яўляецца буйнейшым напрамкам экспарту Эстоніі і многіх іншых краін.-0-
