14 лютага, Мінск /Кар. БЕЛТА/. Тэмпература ў Антарктыцы ўпершыню паднялася вышэй за 20 градусаў, паведамляе The Guardian са спасылкай на бразільскіх вучоных.
Рэкорд 20,75 градуса цяпла быў зафіксаваны на востраве Сеймур 9 лютага. Як адзначае выданне, рэкорд пацвярджае тэндэнцыю: пацяпленне на ледзяным кантыненце і бліжэйшых астравах адбываецца значна хутчэй, чым у сярэднім ва ўсім свеце.
Аргенцінская навукова-даследчая станцыя Эсперанса 6 лютага адзначыла ў Антарктыдзе самую высокую за ўсю гісторыю метэаназіранняў тэмпературу - 18,3 градуса вышэй за нуль.-0-
