3 верасня, Мінск /Кар. БЕЛТА/. Пагрозы, што зыходзяць з Афганістана, відавочныя, паколькі пасля сыходу ваеннаслужачых ЗША там засталося сучаснае ўзбраенне на суму больш за $85 млрд. Аб гэтым заявіў Прэзідэнт Казахстана Касым-Жамарт Такаеў, выступаючы па відэасувязі на пленарным пасяджэнні Усходняга эканамічнага форуму, паведамляе ТАСС.
"На мой погляд, пагрозы і рызыкі, што зыходзяць з гэтай шматпакутнай краіны, відавочныя. З сыходам амерыканцаў там засталася вялізная колькасць узбраення, прычым самага сучаснага, на суму больш за $85 млрд. Захоўваюцца пагрозы наплыву бежанцаў", - сказаў прэзідэнт Казахстана.
Касым-Жамарт Такаеў таксама выказаў задавальненне, што па гэтых няпростых пытаннях дзяржавы - члены Арганізацыі Дагавора аб калектыўнай бяспецы прытрымліваюцца адзінай лініі.-0-
