ДЗЯРЖОРГАНЫДЗЯРЖОРГАНЫ
Флаг Субота, 3 снежня 2022
Мінск Суцэльная воблачнасць -4°C
Усе навіны
Усе навіны
У свеце
01 верасня 2022, 11:11

Такаеў аб'явіў аб правядзенні восенню пазачарговых прэзідэнцкіх выбараў у Казахстане

Касым-Жамарт Такаеў. Фота з архіва
Касым-Жамарт Такаеў. Фота з архіва

1 верасня, Нур-Султан /БЕЛТА - КАЗІНФАРМ/. Прэзідэнт Казахстана Касым-Жамарт Такаеў прапанаваў правесці восенню 2022 года ў краіне пазачарговыя прэзідэнцкія выбары. Прапанова прагучала ў час выступлення прэзідэнта на сумесным пасяджэнні палат парламента.

"Прапаную гэтай восенню правесці пазачарговыя прэзідэнцкія выбары. Для паспяховай рэалізацыі кардынальных і ўсебаковых рэформ на шляху пабудовы справядлівага Казахстана неабходны новы мандат даверу насельніцтва", - заявіў Касым-Жамарт Такаеў.

Прэзідэнт Казахстана прапанаваў устанавіць абмежаванне мандата прэзідэнта ў адзін тэрмін працягласцю 7 гадоў.

Акрамя таго, ён выступіў з прапановай правесці выбары ў Мажыліс (ніжнюю палату парламента) і масліхаты ўсіх узроўняў (мясцовыя прадстаўнічыя органы) у першай палавіне 2023 года. Паводле яго слоў, гэта дасць магчымасць абнавіць склад парламента.

Прэзідэнт Казахстана Касым-Жамарт Такаеў выступае сёння з пасланнем народу Казахстана на сумесным пасяджэнні палат парламента. Асноўная частка паслання прысвечана сацыяльна-эканамічнаму развіццю краіны. Прамая трансляцыя паслання народу Казахстана праводзіцца на рэспубліканскіх тэлеканалах і сайтах інфармацыйных агенцтваў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі