29 лістапада, Мінск /Кар. БЕЛТА/. Сустрэча прэзідэнта Расіі Уладзіміра Пуціна з амерыканскім лідарам Дональдам Трампам адбудзецца 1 снежня ў Аргенціне на палях саміту G20. Аб гэтым паведамляе ТАСС, спасылаючыся на заяву прэс-сакратара кіраўніка РФ Дзмітрыя Пяскова.
Плануецца, што перагаворы прадоўжацца каля гадзіны, аднак фактычна іх працягласць будзе залежаць ад рашэння кіраўнікоў дзяржаў. Сустрэча пачнецца 1 снежня прыблізна апоўдні па мясцовым часе (каля 18:00 па беларускім).
Прэс-сакратар прэзідэнта РФ адзначыў, што "Вашынгтон сустрэчу пацвердзіў".-0-