15 чэрвеня, Мінск /Кар. БЕЛТА/. Генеральны сакратар Паўночнаатлантычнага альянсу Енс Столтэнберг заявіў, што НАТА наросціць свае сілы ў краінах Усходняй Еўропы, падняўшы ўзровень сваёй прысутнасці з батальённага да брыгаднага, паведамляе ТАСС.
Паводле яго слоў, альянс плануе нарасціць колькасны склад сваіх ваенных сіл у кожнай дзяржаве на ўсходнім флангу. Пры гэтым будуць фарміравацца ваенныя штабы і стварацца склады зброі.
Альянс таксама збіраецца загадзя размеркаваць узброеныя сілы дзяржаў - членаў НАТА для дзеянняў на тэрыторыі канкрэтных усходнееўрапейскіх краін. Так, плануецца, што Германія павялічыць сваю прысутнасць у Літве, Вялікабрытанія - у Эстоніі.
Столтэнберг адзначыў, што большасць дзяржаў альянсу ўжо заявілі аб гатоўнасці павялічыць свае ваенныя сілы на ўсходнім напрамку да брыгаднага ўзроўню.-0-
