10 студзеня, Мінск /Кар. БЕЛТА/. Ваенныя запасы краін НАТА і Еўрапейскага саюза зменшыліся ў сувязі з аказваемай Украіне дапамогай. Аб гэтым заявіў генеральны сакратар Паўночнаатлантычнага альянсу Енс Столтэнберг, выступаючы на прэс-канферэнцыі па выніках падпісання дэкларацыі аб супрацоўніцтве паміж НАТА і ЕС, паведамляе ТАСС.
У той жа час Столтэнберг назваў аказанне дапамогі Украіне "правільным рашэннем". Паводле яго слоў, краіны НАТА і ЕС дзеля ўласнай бяспекі павінны выкарыстоўваць уласныя магчымасці, запасы боепрыпасаў і тэхнікі, каб дапамагаць Украіне.
Генеральны сакратар альянсу таксама адзначыў, што НАТА і Еўрасаюз маюць намер нарошчваць вытворчасць узбраенняў.-0-
