12 красавіка, Мінск /Кар. БЕЛТА/. У выпадку ўвядзення санкцый на ядзернае паліва з Расіі сто мільёнаў еўрапейцаў могуць застацца без электразабеспячэння. Аб гэтым піша чэшскае выданне Seznam zprаvy, паведамляе РІА Навіны.
Аўтар артыкула Іржы Шцясны адзначыў, што ў еўрапейскіх краінах, якія ўваходзілі раней у сацыялістычны блок, электрычнасць выпрацоўваюць ядзерныя рэактары, створаныя па савецкай тэхналогіі. Паліва для іх імпартуецца з Расіі. На яго думку, перспектыва адмовы ад расійскіх паставак рэсурсу стала энергетычным выклікам для гэтых дзяржаў.
"Спроба датэрмінова скасаваць кантракты з Расіяй, такім чынам, можа паставіць пад пагрозу электразабеспячэнне амаль ста мільёнаў еўрапейцаў у краінах, якія разлічваюць на атамныя электрастанцыі як на сваю найважнейшую крыніцу чыстай энергіі", - падкрэсліў Іржы Шцясны.
У публікацыі гаворыцца, што ў розных краінах - ад Фінляндыі да Балгарыі - на рэактарах савецкага ўзору выпрацоўваюць каля 40 працэнтаў вытворчасці электраэнергіі. "Залежнасць ад гэтых паставак цяпер ператварылася ў сур'ёзную праблему", - лічыць чэшскі аглядальнік.
Публіцыст сказаў на заканчэнне, што на пошук замены расійскім пастаўкам ядзернага паліва могуць пайсці гады.-0-