ДЗЯРЖОРГАНЫДЗЯРЖОРГАНЫ
Флаг Пятніца, 17 верасня 2021
Мінск Ясна +6°C
Усе навіны
Усе навіны
У свеце
05 ліпеня 2021, 16:09

Спорт павінен быць свабодны ад палітыкі - еўрадэпутат аб замене сцягоў у час ЧС па хакеі ў Рызе

Ніл Ушакоў. Фота ТАСС
Ніл Ушакоў. Фота ТАСС

5 ліпеня, Мінск /Кар. БЕЛТА/. Дэпутат Еўрапарламента ад Латвіі і былы мэр Рыгі Ніл Ушакоў назваў "дзіцячым шоу" інцыдэнт з заменай сцягоў у час ЧС па хакеі ў Латвіі. Аб гэтым паведамляе латвійскі партал "Наш горад".

Мэр Рыгі Марціньш Стакіс і міністр замежных спраў Латвіі Эдгар Рынкевіч 24 мая публічна замянілі Дзяржаўны сцяг Беларусі на бела-чырвона-белую сімволіку.

"У Еўропе шмат гарадоў, якія былі значна лепш падрыхтаваны да правядзення ЧС. Але ўдалося захаваць ЧС у Рызе толькі дзякуючы добраму стаўленню да сталіцы Міжнароднай хакейнай федэрацыі. І ў гэтай сітуацыі мэр горада, які разам з міністрам замежных спраў асабіста абяцаў, што не будзе ніякіх палітычных дэмаршаў, праз некалькі месяцаў падманвае ўсіх і арганізуе дзіцячае шоу з заменай сцяга", - заявіў Ніл Ушакоў.

Дэпутат Еўрапарламента лічыць, што спорт павінен быць па-за палітыкай. "Спорт павінен быць свабодны ад палітыкі, але цяпер верагоднасць, што Рыга ў бліжэйшыя гады атрымае якія-небудзь міжнародныя спаборніцтвы, роўная нулю. З намі ніхто ніколі не звяжацца, паколькі пасля Беларусі будуць і іншыя краіны, з якімі будуць весціся дыскусіі, а нам нельга давяраць", - паведаміў ён.

Палітык таксама выказаўся наконт замены ў час чэмпіянату свету па хакеі ў Рызе расійскага сцяга алімпійскім, паведамляе ТАСС. "Бегаць па горадзе і мяняць сцягі ў час міжнародных спаборніцтваў у цэлым не вельмі добры стыль для мэра. Мяняць жа сцягі, якія твая Дума толькі што сама вывесіла, - гэта або чарговы элемент у шоу пад назвай "рэстарт Рыгі", або Стакіс проста ўжо рыхтуецца да выбараў у Сейм (парламент) і эвакуацыі з Думы", - лічыць Ніл Ушакоў.

Як паведамлялася, Генпракуратура Беларусі ўзбудзіла крымінальную справу ў сувязі з інцыдэнтам з дзяржсцягам Беларусі ў Рызе. У ведамстве лічаць, што такая знявага дзяржаўнай сімволікі ўнізіла нацыянальную годнасць беларусаў.

Афіцыйны прадстаўнік МЗС РФ Марыя Захарава 1 ліпеня заявіла, што Расія пасля інцыдэнту са сцягам закрыла ўезд у краіну мэру Рыгі Марціньшу Стакісу.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі