13 жніўня, Мінск /Кар. БЕЛТА/. Раніцай 13 жніўня ў Цішнаве (Чэхія) сышлі з рэек два апошнія вагоны скораснага поезда, які накіроўваўся з Прагі ў Брно. Аб гэтым паведамляе чэшскі партал Novinky.cz.
Паводле папярэдняй інфармацыі выратавальных службаў, з поезда эвакуіраваны 150 чалавек. Вагоны не перавярнуліся, у выніку інцыдэнту ніхто не пацярпеў.
На гэты момант рух на ўчастку, дзе адбылася аварыя, перапынены. Чаканы час уводу лініі ў эксплуатацыю - 18.00 па мясцовым часе.
Чэшскія чыгункі прадастаўляюць альтэрнатыўны аўтобусны транспарт для дастаўкі пасажыраў.
Для высвятлення прычын інцыдэнту пачата расследаванне.-0-
