1 лютага, Мінск /Кар. БЕЛТА/. Кітайскія ўлады выявілі 24 новыя выпадкі заражэння каранавірусам сярод асоб, якія прыбылі на XXIV зімовыя Алімпійскія гульні. Такая інфармацыя размешчана на афіцыйным сайце аргкамітэта, паведамляе БЕЛТА.
У панядзелак, 31 студзеня, у Кітай на Алімпіяду прыбылі 1438 чалавек, 379 з якіх - спартсмены і афіцыйныя асобы дэлегацый. Пасля правядзення ПЛР-тэстаў у аэрапорце, а таксама ў атэлі Алімпійскай вёскі было выяўлена 18 новых выпадкаў заражэння, 11 – сярод спартсменаў і афіцыйных асоб. Акрамя таго, 6 новых выпадкаў заражэння выяўлена на іншых алімпійскіх аб'ектах, 5 - у спартсменаў і афіцыйных асоб.
Алімпійскія гульні ў Пекіне пройдуць з 4 па 20 лютага. Беларусь прадставяць 29 атлетаў, якія прымуць удзел у спаборніцтвах па шасці відах спорту.-0-
