23 лютага, Мінск /Кар. БЕЛТА/. Кіраўнік МЗС Венгрыі Петэр Сіярта мае намер у ААН заклікаць міжнародную супольнасць прыкласці максімальныя намаганні для спынення ўкраінскага канфлікту. Аб гэтым ён заявіў перад вылетам у Нью-Ёрк, дзе адбудзецца спецыяльная сесія Генасамблеі ААН па Украіне, паведамляе ТАСС.
Сіярта заявіў, што ў тых падзеях, якія цяпер адбываюцца на ўкраінскай тэрыторыі, няма пераможцаў. Каб пазбегнуць яшчэ большых ахвяр, трэба як мага хутчэй завяршыць баявыя дзеянні. "Менавіта гэту пазіцыю я буду займаць сёння і заўтра ў Нью-Ёрку", - сказаў Сіярта.
Дыпламат адзначыў, што Венгрыя таксама адчувае на сабе негатыўны ўплыў падзей ва Украіне. Адбыўся рост цэн на харчовыя тавары і энергарэсурсы. Гэта падагнала інфляцыю.
Паводле слоў Сіярта, Венгрыя разлічвае на мірнае ўрэгуляванне канфлікту і неадкладнае спыненне баявых дзеянняў.-0-
