6 сакавіка, Мінск /Кар. БЕЛТА/. Меры, прымаемыя Еўрасаюзам для вырашэння ўкраінскага крызісу, аказаліся неэфектыўнымі. Толькі спыніўшы баявыя дзеянні, можна завяршыць канфлікт ва Украіне. Аб гэтым заявіў кіраўнік знешнепалітычнага ведамства Венгрыі Петэр Сіярта. Паведамляе ТАСС.
Сіярта адзначыў, што антырасійскія санкцыі не садзейнічаюць урэгуляванню канфлікту. На сённяшні дзень ЕС ужо ўвёў 10 пакетаў санкцый. Аднак гэтыя меры нашкодзілі не Расійскай Федэрацыі, а краінам Еўрасаюза.
"Мне здаецца, што "рашэнні" якія мы спрабавалі знайсці ў Еўропе, проста не спрацавалі, таму што мы вельмі захапіліся ваенным менталітэтам", - заявіў кіраўнік МЗС Венгрыі.
Дыпламат лічыць, што ў першую чаргу неабходна дабіцца спынення агню ва Украіне. Ён дадаў, што Венгрыя выступае за мір ва Украіне, таму Будапешт не пастаўляе Кіеву зброі.-0-
