17 сакавіка, Мінск /Сіньхуа - БЕЛТА/. Генеральны сакратар Цэнтральнага камітэта Камуністычнай партыі Кітая (КПК) старшыня КНР Сі Цзіньпін па відэасувязі прыняў удзел у цырымоніі адкрыцця дыялогу высокага ўзроўню паміж КПК і іншымі палітычнымі партыямі свету і выступіў з праграмнай прамовай, паведамляе БЕЛТА.
Галоўная тэма мерапрыемства была заяўлена як "Шлях да мадэрнізацыі: адказнасць палітычных партый". Удзел у дыялогу прынялі лідары палітычных партый і палітычных арганізацый з многіх краін свету. У сваёй прамове Сі Цзіньпін заявіў, што мадэрнізацыя не з'яўляецца "манапольным прадуктам" невялікай групы краін, гэтак жа як і пытаннем з адзіным варыянтам адказу.
"На шляху да мадэрнізацыі любая дзяржава павінна не толькі захоўваць агульныя заканамернасці гэтага працэсу, але і, што больш важна, улічваць уласныя нацыянальныя ўмовы і ўнікальныя рысы, - сказаў Сі Цзіньпін. - Мадэрнізацыя не можа "ўпасці з неба", яна развіваецца з духу гістарычнай ініцыятывы". Кітайскі лідар заявіў, што палітычныя партыі павінны цесна інтэграваць уласнае развіццё з мадэрнізацыяй краіны, каб указваць напрамак і аб'ядноўваць сілы для бесперапыннага развіцця працэсу мадэрнізацыі.
Акрамя таго, старшыня КНР вылучыў Ініцыятыву глабальнай цывілізацыі. У рамках гэтай ініцыятывы Сі Цзіньпін заклікаў паважаць разнастайнасць цывілізацый, адстойваць агульначалавечыя каштоўнасці, высока цаніць пераемнасць і інавацыйнасць цывілізацый, а таксама сумеснымі намаганнямі стымуляваць устойлівыя міжнародныя абмены і супрацоўніцтва.
У мерапрыемстве ў рэжыме анлайн прынялі ўдзел прадстаўнікі Камуністычнай партыі Беларусі і Ліберальна-дэмакратычнай партыі Беларусі.-0-
