7 кастрычніка, Мінск /Кар. БЕЛТА/. Улады Швецыі і Даніі прыпынілі выкарыстанне вакцыны кампаніі Moderna ад COVID-19 для людзей, якія нарадзіліся пасля 1991 года. Гэта звязана з узнікненнем рэдкіх пабочных эфектаў, такіх як міякардыт, паведамляе газета "Литовскій курьеръ".
Даныя шведскага Агенцтва па пытаннях аховы здароўя ўказваюць на распаўсюджванне выпадкаў міякардыту і перыкардыту сярод маладых людзей, якія былі вакцынаваны. "Сувязь становіцца асабліва відавочнай, калі справа датычыцца вакцыны Moderna Spikevax, асабліва пасля другой дозы", - гаворыцца ў заяве агенцтва. Маладым людзям рэкамендуюць атрымліваць вакцыну Comirnaty ад Pfizer/Biontech.
Усяго ў Швецыі больш за 81 тыс. людзей, якія нарадзіліся ў 1991 годзе або пазней, атрымалі першую дозу вакцыны Moderna. Другую дозу гэтай жа вакцыны яны не атрымаюць.
Раней рэгулятар ЕС рэкамендаваў бустэрныя дозы вакцын Pfizer і Moderna. Трэцюю дозу параілі рабіць праз месяц пасля другой людзям з аслабленым імунітэтам.-0-