24 жніўня, Мінск /Кар. БЕЛТА/. Міністр абароны Расіі Сяргей Шайгу, выступаючы на нарадзе міністраў абароны краін ШАС, заявіў, што запаволенне тэмпаў наступлення ў рамках спецаперацыі ва Украіне было свядомым рашэннем, якое звязана з імкненнем звесці да мінімуму колькасць ахвяр сярод мірнага насельніцтва. Аб гэтым паведамляюць РІА Навіны.
Шайгу падкрэсліў, што ў ходзе спецаперацыі Расія строга захоўвае нормы гуманітарнага права і робіць усё, каб не дапусціць ахвяр сярод мірных людзей. "Безумоўна, гэта запавольвае тэмпы наступлення, але мы ідзём на гэта свядома", - адзначыў кіраўнік расійскага абароннага ведамства.
Ён таксама ўдакладніў, што расійскім бокам на вызваленых тэрыторыях аказваецца гуманітарная дапамога, садзейнічанне ў аднаўленні інфраструктуры і сістэм жыццезабеспячэння.
У той жа час кіраўнік Мінабароны РФ звярнуў увагу на тое, што ўкраінскія баевікі выкарыстоўваюць тактыку выпаленай зямлі і груба парушаюць міжнародныя нормы. Так, у якасці агнявых пазіцый яны выкарыстоўваюць жылыя забудовы, школы, дзіцячыя сады, бальніцы, а насельніцтвам прыкрываюцца як жывым шчытом. Шайгу дадаў, што УСУ таксама вядуцца мэтанакіраваныя абстрэлы населеных пунктаў, каб нанесці як мага большы ўрон цывільным асобам і інфраструктуры.
Кіраўнік ведамства яшчэ раз падкрэсліў, што пастаўкі Украіне зброі і ваеннай тэхнікі з боку заходніх краін толькі зацягваюць канфлікт і павялічваюць колькасць ахвяр.-0-
