Ігар Сергяенка
22 красавіка, Мінск /Кар. БЕЛТА/. Патрыётаў трэба выхоўваць не лозунгамі і заклікамі, а канкрэтнымі справамі, заявіў журналістам старшыня Палаты прадстаўнікоў Ігар Сергяенка на ўрачыстай прэзентацыі кнігі "Невядомыя старонкі вайны адкрываюць дэпутаты беларускага парламента" ў кінатэатры "Перамога" ў Мінску, перадае карэспандэнт БЕЛТА.
"Вы ведаеце, здорава, што мы праводзім прэзентацыю кнігі, якую падрыхтавалі дэпутаты Палаты прадстаўнікоў, супрацоўнікі Сакратарыята Палаты, менавіта ў абноўленым кінатэатры "Перамога" ў горадзе Мінску. Гэта першы кінатэатр, які быў адноўлены пасля вайны, у адроджаным Мінску, пасля руін, пасля кровапралітнай вайны. І мэта нашай даследчай работы - знайсці новыя, магчыма, не вельмі вядомыя старонкі гісторыі канкрэтных людзей, канкрэтных сваякоў, канкрэтных землякоў, аднавяскоўцаў. Новыя факты, якія захоўваліся ў сем'ях у выглядзе дакументаў, у выглядзе ўспамінаў, а сёння знайшлі адлюстраванне на старонках кнігі, якая, я думаю, будзе карысная многім жыхарам нашай краіны. І асабліва важна сёння для нашай моладзі пазнаваць гэтыя новыя старонкі, паколькі памяць пра Вялікую Айчынную вайну свяшчэнная", - сказаў Ігар Сергяенка.
Ён падкрэсліў: "Патрыётаў трэба выхоўваць не лозунгамі, не заклікамі, а канкрэтнымі справамі, працуючы на карысць роднай краіны, захоўваючы гістарычную памяць, адкрываючы вось гэтыя новыя старонкі, якія характарызуюць працу чалавека. Працу воіна, франтавіка, партызана, якія сваім укладам набліжалі Вялікую Перамогу".
Кніга падрыхтавана і выдадзена па ініцыятыве членаў пярвічнай арганізацыі Палаты прадстаўнікоў РГА "Белая Русь". У ёй сабраны матэрыялы аб франтавіках - родных і блізкіх дэпутатаў і работнікаў Сакратарыята Палаты прадстаўнікоў, жыхарах выбарчых акруг, а таксама апісанне некаторых падзей, звязаных з Вялікай Айчыннай вайной.
Выданне прадаўжае традыцыю дакументальнага апавядання, дзе гісторыя Беларусі паказана скрозь прызму індывідуальных лёсаў непасрэдных удзельнікаў тых трагічных і гераічных падзей. Яшчэ далёка не ўсе героі і ахвяры той вайны ўвекавечаны ў народнай памяці. Каштоўнасць прэзентаванай кнігі ў тым, што дзякуючы ёй удалося вярнуць з небыцця некалькі дзясяткаў імёнаў тых, каму мы абавязаны жыццём.-0-
"Вы ведаеце, здорава, што мы праводзім прэзентацыю кнігі, якую падрыхтавалі дэпутаты Палаты прадстаўнікоў, супрацоўнікі Сакратарыята Палаты, менавіта ў абноўленым кінатэатры "Перамога" ў горадзе Мінску. Гэта першы кінатэатр, які быў адноўлены пасля вайны, у адроджаным Мінску, пасля руін, пасля кровапралітнай вайны. І мэта нашай даследчай работы - знайсці новыя, магчыма, не вельмі вядомыя старонкі гісторыі канкрэтных людзей, канкрэтных сваякоў, канкрэтных землякоў, аднавяскоўцаў. Новыя факты, якія захоўваліся ў сем'ях у выглядзе дакументаў, у выглядзе ўспамінаў, а сёння знайшлі адлюстраванне на старонках кнігі, якая, я думаю, будзе карысная многім жыхарам нашай краіны. І асабліва важна сёння для нашай моладзі пазнаваць гэтыя новыя старонкі, паколькі памяць пра Вялікую Айчынную вайну свяшчэнная", - сказаў Ігар Сергяенка.
Ён падкрэсліў: "Патрыётаў трэба выхоўваць не лозунгамі, не заклікамі, а канкрэтнымі справамі, працуючы на карысць роднай краіны, захоўваючы гістарычную памяць, адкрываючы вось гэтыя новыя старонкі, якія характарызуюць працу чалавека. Працу воіна, франтавіка, партызана, якія сваім укладам набліжалі Вялікую Перамогу".
Кніга падрыхтавана і выдадзена па ініцыятыве членаў пярвічнай арганізацыі Палаты прадстаўнікоў РГА "Белая Русь". У ёй сабраны матэрыялы аб франтавіках - родных і блізкіх дэпутатаў і работнікаў Сакратарыята Палаты прадстаўнікоў, жыхарах выбарчых акруг, а таксама апісанне некаторых падзей, звязаных з Вялікай Айчыннай вайной.
Выданне прадаўжае традыцыю дакументальнага апавядання, дзе гісторыя Беларусі паказана скрозь прызму індывідуальных лёсаў непасрэдных удзельнікаў тых трагічных і гераічных падзей. Яшчэ далёка не ўсе героі і ахвяры той вайны ўвекавечаны ў народнай памяці. Каштоўнасць прэзентаванай кнігі ў тым, што дзякуючы ёй удалося вярнуць з небыцця некалькі дзясяткаў імёнаў тых, каму мы абавязаны жыццём.-0-
Падпісвайцеся на нас у
