Фота Paweł Głogowski, euronews.com
2 чэрвеня, Мінск /Кар. БЕЛТА/. У час другога тура прэзідэнцкіх выбараў у Польшчы адбыўся сенсацыйны паварот падзей. Аб гэтым гаворыцца ў матэрыяле ВВС.
Сёння Дзяржаўная выбарчая камісія Польшчы (PKW) паведаміла, што пасля падліку ўсіх галасоў новым прэзідэнтам краіны выбраны гісторык правага толку Караль Наўроцкі. Згодна з данымі PKW, Наўроцкі набраў 50,9 працэнта галасоў, апярэдзіўшы ліберальнага мэра Варшавы Рафала Тшаскоўскага, які набраў 49,1 працэнта.
Пры гэтым рэзультаты першага экзітполу, апублікаванага адразу пасля заканчэння галасавання ў Польшчы 1 чэрвеня, паказвалі процілеглую карціну. Кандыдат ад кіруючай Грамадзянскай кааліцыі Рафал Тшаскоўскі набіраў 50,3 працэнта галасоў супраць 49,7 працэнта ў кандыдата Караля Наўроцкага, якога падтрымлівае апазіцыйная партыя "Права і справядлівасць" (ПіС).
Чакаецца, што рэзультаты выбараў будуць мець доўгатэрміновыя наступствы для палітычнага напрамку Польшчы, асабліва ў плане яе адносін з ЕС і правядзення ўнутраных рэформ.
Як адзначае BBC, будучы новым прэзідэнтам Польшчы, Наўроцкі, верагодна, будзе выкарыстоўваць сваё прэзідэнцкае права вета, каб блакіраваць праеўрапейскую праграму польскага прэм'ер-міністра Дональда Туска.
Рэзультат, магчыма, таксама надасць сіл прыхільнікам Наўроцкага, нацыянал-кансерватыўнай апазіцыі "Права і справядлівасць" (ПіС), якая страціла ўладу васямнаццаць месяцаў таму, што дасць ім новую веру ў тое, што яны змогуць перамагчы кааліцыю Туска на парламенцкіх выбарах 2027 года.
Наўроцкі падтрымлівае традыцыйныя каталіцкія і сямейныя каштоўнасці і з'яўляецца заўзятым прыхільнікам суверэнітэту Польшчы ў рамках ЕС. Акрамя таго, ён заяўляў, што не хоча, каб Украіна ўступала ў НАТА і ЕС. Польскія СМІ прыводзілі яго словы, што ён не бачыць Украіну ў еўраатлантычных структарах да таго часу, "пакуль не будуць вырашаны такія важныя для палякаў цывілізацыйныя пытанні", маючы на ўвазе спрэчку Варшавы і Кіева па тэме Валынскай разні. "Не можа быць часткай міжнародных альянсаў дзяржава, якая не можа разлічыцца за бязлітаснае злачынства адносна 120 тысяч сваіх суседзяў", - гаварыў таксама Наўроцкі.
Акрамя таго, Тшаскоўскі і Наўроцкі разыходзяцца ў поглядах на ЕС. Тшаскоўскі, былы міністр па справах Еўропы, падтрымлівае бачанне Туска аб Польшчы ў цэнтры еўрапейскага мэйнстрыму. Наўроцкі падтрымлівае моцную суверэнную Польшчу і не хоча, каб краіна ўступіла Бруселю яшчэ больш паўнамоцтваў. Ён выступае супраць палітыкі ЕС у пытанні клімату і міграцыі. Будучы прыхільнікам прэзідэнта Дональда Трампа, Наўроцкі прыляцеў у Вашынгтон у час перадвыбарнай кампаніі ў Польшчы на вельмі кароткую сустрэчу і каб сфатаграфавацца з Трампам у Авальным кабінеце.
Прэзідэнт Польшчы адыгрывае ў асноўным цырыманіяльную ролю з абмежаваным уплывам на знешнюю палітыку і абарону, але прэзідэнт можа накласці вета на законапраекты. Праеўрапейскаму кааліцыйнаму ўраду Туска не хапае дастатковай парламенцкай большасці, каб адмяніць яго.-0-
Сёння Дзяржаўная выбарчая камісія Польшчы (PKW) паведаміла, што пасля падліку ўсіх галасоў новым прэзідэнтам краіны выбраны гісторык правага толку Караль Наўроцкі. Згодна з данымі PKW, Наўроцкі набраў 50,9 працэнта галасоў, апярэдзіўшы ліберальнага мэра Варшавы Рафала Тшаскоўскага, які набраў 49,1 працэнта.
Пры гэтым рэзультаты першага экзітполу, апублікаванага адразу пасля заканчэння галасавання ў Польшчы 1 чэрвеня, паказвалі процілеглую карціну. Кандыдат ад кіруючай Грамадзянскай кааліцыі Рафал Тшаскоўскі набіраў 50,3 працэнта галасоў супраць 49,7 працэнта ў кандыдата Караля Наўроцкага, якога падтрымлівае апазіцыйная партыя "Права і справядлівасць" (ПіС).
Чакаецца, што рэзультаты выбараў будуць мець доўгатэрміновыя наступствы для палітычнага напрамку Польшчы, асабліва ў плане яе адносін з ЕС і правядзення ўнутраных рэформ.
Як адзначае BBC, будучы новым прэзідэнтам Польшчы, Наўроцкі, верагодна, будзе выкарыстоўваць сваё прэзідэнцкае права вета, каб блакіраваць праеўрапейскую праграму польскага прэм'ер-міністра Дональда Туска.
Рэзультат, магчыма, таксама надасць сіл прыхільнікам Наўроцкага, нацыянал-кансерватыўнай апазіцыі "Права і справядлівасць" (ПіС), якая страціла ўладу васямнаццаць месяцаў таму, што дасць ім новую веру ў тое, што яны змогуць перамагчы кааліцыю Туска на парламенцкіх выбарах 2027 года.
Наўроцкі падтрымлівае традыцыйныя каталіцкія і сямейныя каштоўнасці і з'яўляецца заўзятым прыхільнікам суверэнітэту Польшчы ў рамках ЕС. Акрамя таго, ён заяўляў, што не хоча, каб Украіна ўступала ў НАТА і ЕС. Польскія СМІ прыводзілі яго словы, што ён не бачыць Украіну ў еўраатлантычных структарах да таго часу, "пакуль не будуць вырашаны такія важныя для палякаў цывілізацыйныя пытанні", маючы на ўвазе спрэчку Варшавы і Кіева па тэме Валынскай разні. "Не можа быць часткай міжнародных альянсаў дзяржава, якая не можа разлічыцца за бязлітаснае злачынства адносна 120 тысяч сваіх суседзяў", - гаварыў таксама Наўроцкі.
Акрамя таго, Тшаскоўскі і Наўроцкі разыходзяцца ў поглядах на ЕС. Тшаскоўскі, былы міністр па справах Еўропы, падтрымлівае бачанне Туска аб Польшчы ў цэнтры еўрапейскага мэйнстрыму. Наўроцкі падтрымлівае моцную суверэнную Польшчу і не хоча, каб краіна ўступіла Бруселю яшчэ больш паўнамоцтваў. Ён выступае супраць палітыкі ЕС у пытанні клімату і міграцыі. Будучы прыхільнікам прэзідэнта Дональда Трампа, Наўроцкі прыляцеў у Вашынгтон у час перадвыбарнай кампаніі ў Польшчы на вельмі кароткую сустрэчу і каб сфатаграфавацца з Трампам у Авальным кабінеце.
Прэзідэнт Польшчы адыгрывае ў асноўным цырыманіяльную ролю з абмежаваным уплывам на знешнюю палітыку і абарону, але прэзідэнт можа накласці вета на законапраекты. Праеўрапейскаму кааліцыйнаму ўраду Туска не хапае дастатковай парламенцкай большасці, каб адмяніць яго.-0-
Падпісвайцеся на нас у
