13 ліпеня, Мінск /Кар. БЕЛТА/. На Швейцарыю абрушыліся самыя моцныя за ўсю гісторыю метэаназіранняў у краіне ліўні, паведамляе радыёстанцыя KFGO.
Значны ўрон дрэннае надвор'е нанесла фінансаваму цэнтру краіны - гораду Цюрыху. Тут моцныя ліўні суправаджаліся ўраганным ветрам. У выніку ў горадзе павалена шмат дрэў, некаторыя вуліцы былі затоплены. У горадзе здарыўся транспартны калапс - быў спынены аўтобусны і трамвайны рух.
Гарадскія ўлады пакуль не паведамлялі аб магчымых пацярпелых. Цяпер у горадзе ацэньваюць урон ад стыхіі.
Сіноптыкі папярэджваюць, што ў бліжэйшыя дні дажджы ў рэгіёне прадоўжацца. Існуе небяспека паводкі. Насельніцтва просяць трымацца далей ад рэк, паколькі ўзровень вады падняўся. Таксама распаўсюджана папярэджанне аб апоўзнях.-0-
