20 чэрвеня, Нур-Султан /БЕЛТА - КАЗІНФАРМ/. У Акмалінскай вобласці Казахстана ўпаў самалёт Ан-2, загінуў пілот.
"20 чэрвеня прыкладна ў 10.00 за 10 км ад вёскі Радзіма Цалінаградскага раёна Акмалінскай вобласці Казахстана ў час хімічнай апрацоўкі палёў упаў самалёт Ан-2", - паведамілі ў прэс-службе камітэта па надзвычайных сітуацыях МУС Рэспублікі Казахстан. У выніку здарэння пілот самалёта загінуў, два члены экіпажа з траўмамі і апёкамі шпіталізаваны ў бальніцу.
Прычына падзення ўстанаўліваецца.-0-