3 лістапада, Мінск /Кар. БЕЛТА/. Самалёт Ан-12 разбіўся пад Іркуцкам, месца яго крушэння знойдзена. Паводле даных МНС, на борце знаходзілася восем чалавек, паведамляе ТАСС.
Раней крыніца ТАСС у экстранных службах паведаміла, што борт, які выконваў рэйс Якутск - Іркуцк, знік з экранаў радараў над Іркуцкай вобласцю.
Паводле яе даных, борт належыць беларускай авіякампаніі "Гродна". Самалёт выконваў грузавы рэйс.-0-