9 верасня, Мінск /Кар. БЕЛТА/. Генеральны дырэктар Сусветнай арганізацыі аховы здароўя (СААЗ) Тэдрас Гебрэесус заявіў аб неабходнасці прадоўжыць да канца года мараторый на дадатковыя дозы вакцын ад каранавіруса. Аб гэтым паведамляецца на сайце Цэнтра навін ААН.
"Месяц таму я заклікаў да глабальнага мараторыя на бустарныя дозы як мінімум да канца верасня, каб правесці ў першую чаргу вакцынацыю слабаабароненых людзей ва ўсім свеце, якія не атрымалі нават першую дозу. З таго часу глабальная сітуацыя мала змянілася. Таму сёння я заклікаю прадоўжыць мараторый як мінімум да канца года, каб даць магчымасць кожнай краіне вакцынаваць не менш як 40 працэнтаў свайго насельніцтва", - сказаў кіраўнік СААЗ.
Паводле яго слоў, трэцяя (бустарная) доза можа быць неабходна толькі для невялікіх груп насельніцтва з аслабленым імунітэтам. На гэты момант СААЗ выступае супраць шырокага выкарыстання бустарных доз вакцын, у прыватнасці, сярод здаровых людзей, якія былі поўнасцю вакцынаваны.-0-
