ДЗЯРЖОРГАНЫДЗЯРЖОРГАНЫ
Флаг Нядзеля, 16 мая 2021
Мінск Ясна +14°C
Усе навіны
Усе навіны
У свеце
17 сакавіка 2021, 13:15

СААЗ: захваральнасць на COVID-19 у свеце за тыдзень вырасла на 10 працэнтаў

Фота з архіва
Фота з архіва

17 сакавіка, Мінск /Кар. БЕЛТА/. Больш як 3 млн выпадкаў заражэння каранавірусам было выяўлена ў свеце на мінулым тыдні, захваральнасць вырасла на 10 працэнтаў у параўнанні з папярэднімі сямю днямі. Аб гэтым паведамляе ТАСС са спасылкай на штотыднёвы эпідэміялагічны бюлетэнь Сусветнай арганізацыі аховы здароўя (СААЗ).

"Новых выпадкаў захворвання становіцца ўсё больш у свеце. На мінулым тыдні рост склаў 10 працэнтаў", - адзначылі ў арганізацыі.

У СААЗ нагадалі: у пачатку студзеня захваральнасць дасягнула пікавых значэнняў (амаль 5 млн новых выпадкаў інфіцыравання за тыдзень), аднак затым, у другой палавіне лютага, яна знізілася да прыкладна 2,5 млн выпадкаў за тыдзень.

Згодна з эпідэміялагічным бюлетэнем СААЗ, з 8 па 14 сакавіка ў свеце былі зарэгістраваны 3 033 213 выпадкаў заражэння каранавірусам і 58 698 смяротных зыходаў. Па стане на 14 сакавіка ўсяго налічвалася 119 212 530 выпадкаў захворвання і 2 642 612 выпадкаў смерці пацыентаў.

Асабліва прыкметны рост захваральнасці з 8 па 14 сакавіка стаў у Паўднёва-Усходняй Азіі (на 19 працэнтаў), Заходне-Ціхаакіянскім рэгіёне (на 19 працэнтаў) і Усходнім Міжземнамор'і (на 14 працэнтаў), а таксама ў Паўночнай і Паўднёвай Амерыцы (на 13 працэнтаў). Смяротнасць вырасла ў Заходне-Ціхаакіянскім рэгіёне (на 14 працэнтаў) і Усходнім Міжземнамор'і (на 7 працэнтаў), але пры гэтым скарацілася ў іншых рэгіёнах. Агульнае зніжэнне смяротнасці ў свеце склала за тыдзень 3 працэнты.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі