Фота AP
27 лістапада, Мінск /Кар. БЕЛТА/. Сусветная арганізацыя аховы здароўя (СААЗ) спадзяецца на дасягненне міру ў сектары Газа і ва ўсім рэгіёне Блізкага Усходу пасля мірнага пагаднення па Ліване. Аб гэтым напісаў у сацсетцы Х генеральны дырэктар СААЗ Тэдрас Аданам Гебрэесус, паведамляе ТАСС.
"СААЗ вітае пагадненне аб спыненні агню ў Ліване, паколькі апошняя па часе эскалацыя баявых дзеянняў аказалася асабліва разбуральнай для сістэмы аховы здароўя", - адзначыў кіраўнік арганізацыі. Гебрэесус спадзяецца, што пагадненне будзе неадкладна рэалізавана і прывядзе да трывалага міру ў Ліване, а таксама "прывядзе да тэрміновых дзеянняў па ўстанаўленні міру ў сектары Газа і ва ўсім рэгіёне".
Кіраўнік СААЗ таксама адзначыў, што жыхары Газы "вельмі пакутуюць" і маюць патрэбу ў "выратавальным" спыненні агню і поўнамаштабнай гуманітарнай дапамогі. "Лепшае лякарства - гэта мір", - рэзюмаваў ён.
Раней ваенна-палітычны кабінет Ізраіля афіцыйна адобрыў план спынення агню ў Ліване. Хутка пасля гэтага прэзідэнт ЗША Джо Байдэн аб'явіў аб тым, што дамоўленасці паміж Ізраілем і шыіцкай арганізацыяй "Хезбала" прадугледжваюць аднаўленне кантролю сіламі Лівана над сваёй тэрыторыяй на працягу 60 дзён. Ізраільская армія паступова будзе выведзена з ліванскай тэрыторыі, а грамадзянскія асобы з абодвух бакоў хутка змогуць бяспечна вярнуцца ў свае населеныя пункты і пачаць аднаўляць іх.-0-
"СААЗ вітае пагадненне аб спыненні агню ў Ліване, паколькі апошняя па часе эскалацыя баявых дзеянняў аказалася асабліва разбуральнай для сістэмы аховы здароўя", - адзначыў кіраўнік арганізацыі. Гебрэесус спадзяецца, што пагадненне будзе неадкладна рэалізавана і прывядзе да трывалага міру ў Ліване, а таксама "прывядзе да тэрміновых дзеянняў па ўстанаўленні міру ў сектары Газа і ва ўсім рэгіёне".
Кіраўнік СААЗ таксама адзначыў, што жыхары Газы "вельмі пакутуюць" і маюць патрэбу ў "выратавальным" спыненні агню і поўнамаштабнай гуманітарнай дапамогі. "Лепшае лякарства - гэта мір", - рэзюмаваў ён.
Раней ваенна-палітычны кабінет Ізраіля афіцыйна адобрыў план спынення агню ў Ліване. Хутка пасля гэтага прэзідэнт ЗША Джо Байдэн аб'явіў аб тым, што дамоўленасці паміж Ізраілем і шыіцкай арганізацыяй "Хезбала" прадугледжваюць аднаўленне кантролю сіламі Лівана над сваёй тэрыторыяй на працягу 60 дзён. Ізраільская армія паступова будзе выведзена з ліванскай тэрыторыі, а грамадзянскія асобы з абодвух бакоў хутка змогуць бяспечна вярнуцца ў свае населеныя пункты і пачаць аднаўляць іх.-0-
Падпісвайцеся на нас у
