2 красавіка, Мінск /Кар. БЕЛТА/. Колькасць заражаных каранавірусам у свеце хутка дасягне 1 млн, заявіў на брыфінгу ў Жэневе генеральны дырэктар СААЗ Тэдрас Аданам Гебрэесус, паведамляе ТАСС.
"Я глыбока занепакоены хуткай эскалацыяй і глабальным распаўсюджваннем інфекцыі", - сказаў кіраўнік СААЗ.
Ён адзначыў, што хвароба прысутнічае цяпер практычна ва ўсіх краінах. "Колькасць смярцей больш як падвоілася за апошні тыдзень, і ў бліжэйшыя некалькі дзён колькасць пацверджаных выпадкаў хваробы дасягне 1 млн, а колькасць памерлых - 50 тыс.", - дадаў ён.-0-