24 лістапада, Мінск /Кар. БЕЛТА/. У рэгіянальным бюро СААЗ заявілі, што пры захаванні цяперашніх тэндэнцый колькасць памерлых ад наступстваў каранавіруса ў Еўропе можа перасягнуць 2 млн да сакавіка 2022 года, паведамляе Euronews.
"Наперадзе нас чакае няпростая зіма, але мы не павінны страчваць надзею, таму што ўсе мы - урады, органы аховы здароўя, кожны з нас, можа прыняць рашучыя меры для стабілізацыі эпідэмічнай сітуацыі", - напісаў у Twitter дырэктар еўрапейскага бюро СААЗ Ханс Клюге.
СААЗ заклікае больш актыўна прышчэпліваць і рэвакцынаваць насельніцтва. Людзям рэкамендуецца не забываць аб прафілактычных мерах: насіць маскі, мыць рукі, праветрываць памяшканні, захоўваць дыстанцыю. Таксама важным інструментам у барацьбе з пандэміяй у СААЗ называюць увядзенне кавід-пашпартоў.
Як паведамляе ТАСС, згодна з ацэнкамі СААЗ, у Еўрапейскім рэгіёне ўведзена больш за адзін мільярд доз вакцын супраць каранавіруса, прычым 53,5 працэнта жыхароў поўнасцю прышчэплены. Разам з тым па-ранейшаму існуе вялікі разрыў паміж краінамі па паказчыку долі вакцынаваных: ад менш за 10 працэнтаў да больш за 80 працэнтаў.-0-
