17 кастрычніка, Мінск /Кар. БЕЛТА/. Рух аўтобусаў пачаўся па Крымскім мосце, які пасля ўзрыву быў даступны толькі для праезду легкавых аўтамабіляў, паведамляе ТАСС са спасылкай на Мінтранс Расіі.
Паводле даных ведамства, рух у абодва напрамкі быў адкрыты сёння раніцай. Да гэтага ў сувязі з падрывам грузавіка на гэтай артэрыі аўтобусы накіроўваліся на паромную пераправу. "Цяпер для пасажырскіх перавозак па Крымскім мосце акрамя праезду на легкавым транспарце, на прыгарадных паяздах і паяздах далёкага руху, сталі даступны паездкі на аўтобусах", - адзначаецца ў паведамленні.
Як паведамлялася раней, раніцай 8 кастрычніка на Крымскім мосце быў падарваны грузавік. Пры надзвычайнай сітуацыі загінулі чатыры чалавекі. Таксама абваліліся два пралёты аўтамабільнай часткі моста.-0-
