20 чэрвеня, Мінск /Кар. БЕЛТА/. Сярод жыхароў Эстоніі было праведзена апытанне, якое паказала, што рост цэн негатыўна адбіўся на жыцці 76 працэнтаў рэспандэнтаў. Аб гэтым паведамляе Delfi.
Так, 46 працэнтаў эстонцаў зменшылі свае расходы на прадукты, а амаль палавіна апытаных (44 працэнты) свядома эканомяць электраэнергію. Акрамя таго, 32 працэнты рэспандэнтаў адклалі на няпэўны тэрмін планы па рамонце дома або кватэры, а 13 працэнтаў апытаных і наогул адзначылі, што ім давялося адмовіцца ад запланаванай куплі жылля. Трэць эстонцаў памянялі свае планы на водпуск з-за росту цэн.
Таксама адзначаецца, што 8 працэнтаў жыхароў Эстоніі, якія прынялі ўдзел у апытанні, не купляюць выпісаныя ім лякарствы.
Апытанне грамадскай думкі было праведзена ў канцы мая фірмай Norstat па заказе Сацыял-дэмакратычнай партыі краіны. Была апытана 1 тыс. рэспандэнтаў.-0-
