Мабільная версія
ДЗЯРЖОРГАНЫ

Апошнія навіны
Усе навіны

Рэжым ЧП з-за паводкі ўведзены ў штатах Небраска, Аява і Вісконсін

У свеце 19.03.2019 | 12:38
Фота Reuters
Фота Reuters

19 сакавіка, Мінск /Кар. БЕЛТА/. У амерыканскіх штатах Небраска, Аява і Вісконсін аб'яўлены рэжым ЧП з-за мацнейшай паводкі, паведамляе CNN.

Найбольш сур'ёзна пацярпеў з-за паводкі штат Небраска, тут рэжым надзвычайнай сітуацыі ўведзены ў 74 гарадах, 65 акругах і чатырох племянных раёнах. 18 сакавіка мэр горада Лінкальна Крыс Бойтлер звярнуўся да губернатара Небраскі з просьбай увесці ў штаце рэжым стыхійнага бедства пасля таго, як больш за 285 тыс. жыхароў Лінкальна пачалі адчуваць перабоі ў забеспячэнні чыстай вадой - паводка прывяла да забруджвання прыватных крыніц водазабеспячэння. Губернатар штата Небраска Піт Рыкетс назваў гэта здарэнне самай маштабнай прыроднай катастрофай у гісторыі ЗША.

Як паведамляе Reuters, 290 чалавек, пацярпелых ад паводкі ў штаце Небраска, былі выратаваны войскамі Нацыянальнай гвардыі і гарадскімі пошукава-выратавальнымі камандамі. Шкода, нанесеная жывёлагадоўчаму сектару штата, ацэньваецца прыкладна ў памеры $400 млн. Дарожнай сістэме штата Небраска нанесены ўрон на сотні мільёнаў долараў, больш як 300 км дарог штата маюць патрэбу ў рамонце або замене.

Узровень вады ў амерыканскіх рэках пачаў падымацца на мінулым тыдні пасля шторму, што абрушыўся на Сярэдні Захад ЗША, і які назвалі "бомбавым цыклонам". У выніку пачалі імкліва таяць гурбы снегу і лёд, што выклікала хуткае павышэнне ўзроўню вады ў буйнейшых рэках шэрага штатаў Сярэдняга Захаду і падтапленне бліжэйшых населеных пунктаў. Рака Місуры затапіла большую частку штата Небраска паміж гарадамі Омаха і Канзас-Сіці на граніцы штата Місуры.

Як паведаміў метэаролаг CNN Майкл Гай, больш за 8 млн чалавек у 14 штатах ЗША - ад Мінесоты да Мексіканскага заліва - атрымалі папярэджанне аб магчымай паводцы. Як мінімум чатыры чалавекі (трое ў штаце Небраска і адзін у Аяве) загінулі ў выніку паводкі.-0-

Версія для друку
Навіны рубрыкі У свеце
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Казахстан: гандлёва-эканамічнае супрацоўніцтва Важным элементам двухбаковага супрацоўніцтва з'яўляецца Міжурадавая казахстанска-беларуская камісія па гандлёва-эканамічным супрацоўніцтве, якая функцыянуе з 1996 года.