7 верасня, Мінск /Кар. БЕЛТА/. Сейм Польшчы зацвердзіў пастанову прэзідэнта аб увядзенні надзвычайнага становішча на граніцы. Рэжым ЧП будзе дзейнічаць на працягу 30 дзён і можа быць прадоўжаны. Аб гэтым паведамляе "Польскае радыё".
Прэзідэнт Польшчы Анджэй Дуда 2 верасня падпісаў пастанову аб увядзенні рэжыму надзвычайнага становішча ў Люблінскім і Падляскім ваяводствах. Польскія ўлады перакананы, што ўвядзенне рэжыму ЧП у прыгранічнай зоне з'яўляецца неабходным крокам, каб пазбегнуць міграцыйнага крызісу.
Вечарам 6 верасня польскі Сейм падтрымаў рашэнне ўрада аб увядзенні рэжыму надзвычайнага становішча. За рашэнне выказаліся 247 парламентарыяў. Адзначаецца, што рэжым ЧП закранае 183 населеныя пункты.
Раней Упраўленне Вярхоўнага камісара ААН па справах бежанцаў (УВКБ ААН) заклікала Польшчу дапусціць на сваю тэрыторыю мігрантаў, якія цяпер утрымліваюцца на граніцы. Ва УВКБ таксама падкрэслілі, што ўсе дзяржавы маюць права кіраваць сваімі межамі ў адпаведнасці з міжнародным правам, але пры ўмове захавання правоў чалавека, уключаючы права на прыстанішча.-0-
