30 мая, Мінск /Кар. БЕЛТА/. Санкцыі Захаду супраць РФ не паказалі чаканай эфектыўнасці дзякуючы наяўнасці плацежнай сістэмы "Мір". Такое меркаванне выказала іранскае выданне Resalat, паведамляе РІА Навіны.
Падкрэсліваецца, што ў Расіі прадугледзелі такія санкцыі і загадзя стварылі і ўвялі ў эксплуатацыю нацыянальную сістэму міжнародных плацяжоў.
"Расія змагла ў поўным узбраенні сустрэць адключэнне Захадам доступу да SWIFT. Меры, ажыццявіць якія загадзя не ўдавалася яшчэ пакуль нікому", - гаворыцца ў матэрыяле. Аўтары падкрэсліваюць, што заходнія краіны пры ўвядзенні санкцыі, як відаць, не ўлічылі гэты фактар.
На думку экспертаў з Ірана, работа плацежнай сістэмы "Мір" змякчыла негатыўныя наступствы абмежавання дзейнасці Visa і Masterсard. Аналітыкі лічаць, што гэта таксама пазбавіла б сэнсу многія антырасійскія санкцыі.
Акрамя таго, у матэрыяле звяртаецца ўвага на важнасць рашэння перавесці разлікі за расійскі газ у рублі, у сувязі з чым Захад трапіў у няпростую сітуацыю, калі трэба абысці ўласныя санкцыі, каб не застацца без энерганосьбітаў.-0-
