11 красавіка, Мінск /Кар. БЕЛТА/. У Чэхіі ў сакавіку 2022 года паказчык інфляцыі склаў 12,7 працэнта, што стала максімальным значэннем з 1998 года, паведамляе "Радыё Прага".
Інфляцыя ў краіне расце на працягу некалькіх месяцаў. Так, у лютым яна склала 11,1 працэнта, а ў сакавіку 12,7 працэнта. Гэта максімальныя значэнні з мая 1998 года, калі інфляцыя складала 13 працэнтаў.
Эканамісты прагназуюць, што паказчык інфляцыі ў Чэхіі да сярэдзіны года можа вырасці да 15 працэнтаў, а наступныя шэсць месяцаў будзе трымацца на ўзроўні 11 працэнтаў. Паводле прагнозаў, вяртанне да нармальнага ўзроўню інфляцыі чакаецца не раней за сярэдзіну 2023 года.
Галоўная прычына высокай інфляцыі - падаражанне аўтамабільнага паліва, кошт якога ў сакавіку падскочыў на 50 працэнтаў. Цана электрычнасці вырас на 24,7 працэнта, а газу на 37,7 працэнта. За ацяпленне і цёплую ваду грамадзяне Чэхіі ў сакавіку заплацілі на 13,9 працэнта больш.-0-
