9 снежня, Мінск /Кар. БЕЛТА/. Значныя мутацыі каранавіруснай інфекцыі, як мяркуецца, адбываюцца раз у паўгода. Аб гэтым заявіла кіраўнік Расспажыўнагляду Ганна Папова ў час II Міжнароднай навукова-практычнай канферэнцыі па пытаннях процідзеяння новай каранавіруснай інфекцыі і іншым інфекцыйным захворванням, паведамляе ТАСС.
"Мы на сённяшні дзень бачым, што вірус муціруе. Калі можна так асцярожна меркаваць, такая значная мутацыя з інтэрвалам раз у паўгода", - сказала Ганна Папова.
Яна нагадала, што ў снежні 2020 года была апублікавана заява аб выяўленні брытанскага штама каранавіруса, у красавіку-маі бягучага года - аб выяўленні дэльта-штама ў Індыі, і праз паўгода з'явілася інфармацыя аб выяўленні амікрон-штама.
У Расіі цяпер, паводле слоў Ганны Паповай, прадаўжае пераважаць варыянт каранавіруса дэльта.-0-
