26 чэрвеня, Масква /БЕЛТА - ТАСС/. Прэм'ер-міністр РФ Дзмітрый Мядзведзеў падпісаў пастанову аб прадаўжэнні харчовага эмбарга да 31 снежня 2020 года. Дакумент апублікаваны на афіцыйным партале прававой інфармацыі.
Раней прэзідэнт Расіі Уладзімір Пуцін падпісаў указ аб прадаўжэнні да 31 снежня 2020 года асобных спецыяльных эканамічных мер супраць краін, якія ўстанавілі санкцыі адносна РФ.
Харчовае эмбарга было ўведзена ў Расійскай Федэрацыі ў жніўні 2014 года адносна прадукцыі з ЗША, краін ЕС, Аўстраліі, Нарвегіі і Канады. Потым гэты спіс быў пашыраны за кошт іншых краін Еўропы і Украіны.-0-
