ДЗЯРЖОРГАНЫДЗЯРЖОРГАНЫ
Флаг Субота, 4 снежня 2021
Мінск -3°C
Усе навіны
Усе навіны
У свеце
18 кастрычніка 2021, 17:13

Расія прыпыняе дзейнасць пастаяннага прадстаўніцтва РФ пры НАТА і ваеннай місіі сувязі НАТА ў Маскве

18 кастрычніка, Масква /Эдуард Півавар - БЕЛТА/. Расія прыпыніла дзейнасць свайго пастаяннага прадстаўніцтва пры НАТА, а таксама ваеннай місіі сувязі НАТА ў Маскве. Аб гэтым гаворыцца ў заяве МЗС РФ, апублікаванай на сайце расійскага знешнепалітычнага ведамства, паведамляе БЕЛТА.

"У сувязі з адсутнасцю ў выніку мэтанакіраваных крокаў з боку НАТА належных умоў для ажыццяўлення дыпламатычнай дзейнасці прыпыняецца работа пастаяннага прадстаўніцтва Расіі пры НАТА, у тым ліку галоўнага ваеннага прадстаўніка, - гаворыцца ў заяве. - Для падтрымання экстранных кантактаў са штаб-кватэрай альянсу будзе ўпаўнаважаны Надзвычайны і Паўнамоцны Пасол Расійскай Федэрацыі ў Каралеўстве Бельгія. На меркаванне альянсу адзін з паслоў краін - членаў НАТА ў Маскве можа выконваць аналагічныя функцыі".

Акрамя гэтага прыпыняецца дзейнасць ваеннай місіі сувязі НАТА ў Маскве. Акрэдытацыя яе супрацоўнікаў адклікаецца 1 лістапада 2021 года. Таксама спыняецца дзейнасць інфармацыйнага бюро НАТА ў Маскве, заснаванага пры пасольстве Каралеўства Бельгія.

У заяве падкрэсліваецца, што такія меры расійскі бок прымае ў адказ на недружалюбныя дзеянні Паўночнаатлантычнага альянсу. У прыватнасці, 6 кастрычніка сакратарыят НАТА афіцыйна праінфармаваў аб рашэнні генеральнага сакратара альянсу Енса Столтэнберга адклікаць з 1 лістапада акрэдытацыю ў 8 супрацоўнікаў пастаяннага прадстаўніцтва РФ, а таксама скараціць з таго ж чысла агульную колькасць складу дыпмісіі да 10 чалавек. "Ніякага тлумачэння прычын прадстаўлена не было", - адзначаецца ў дакуменце.

"Колькасць нашага дыппрадстаўніцтва ў Бруселі ўжо двойчы скарачалася ў аднабаковым парадку натаўцамі ў 2015 і 2018 гадах - пасля рашэння альянсу ад 1 красавіка 2014 года прыпыніць усё практычнае грамадзянскае і ваеннае супрацоўніцтва паміж Расіяй і НАТА, - нагадалі ў расійскім знешнепалітычным ведамстве. - Былі таксама максімальна абмежаваны допуск нашых дыпламатаў у штаб-кватэру альянсу і сувязі з яго міжнародным сакратарыятам. Замарожаны кантакты па ваеннай лініі".

"Пералічаныя дзеянні натаўцаў пацвярджаюць, што ў раўнапраўным дыялогу і сумеснай рабоце па дээскалацыі ваенна-палітычнай напружанасці яны не зацікаўлены. Лінія альянсу ў адносінах да нашай краіны становіцца ўсё больш агрэсіўнай. "Расійская пагроза" раздуваецца ў тым ліку з мэтай умацаваць унутранае адзінства альянсу, стварыць бачнасць яго "запатрабаванасці" ў сучасных геапалітычных умовах", - падкрэсліваецца ў заяве МЗС Расіі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі