14 мая, Мінск /Кар. БЕЛТА/. Пашырэнне Паўночнаатлантычнага альянсу за кошт Швецыі і Фінляндыі стане прычынай мілітарызацыі Поўначы. Аб гэтым заявіў намеснік кіраўніка знешнепалітычнага ведамства Расіі Аляксандр Грушко, паведамляе ТАСС.
Паводле яго слоў, рашэнне аб уступленні ў НАТА не адпавядае інтарэсам Стакгольма і Хельсінкі. Таксама гэта не будзе садзейнічаць умацаванню бяспекі і стабільнасці ў Еўропе.
Аляксандр Грушко адзначыў, што Поўнач да гэтага часу ў ваенным плане захоўвала нейтралітэт і заставалася самым спакойным рэгіёнам у Еўропе. Аднак з уступленнем Швецыі і Фінляндыі ў НАТА сітуацыя абсалютна зменіцца.
Дыпламат таксама заявіў, што Масква не бачыць прычын, з-за якіх Фінляндыя вырашыла зрабіць настолькі рэзкі разварот і далучыцца да НАТА.-0-
