22 ліпеня, Мінск /Кар. БЕЛТА/. Расія падпісала пагадненне аб стварэнні збожжавага калідора па Чорным моры з прадстаўнікамі Турцыі і ААН, паведамляюць РІА Навіны.
У цырымоніі ўдзельнічалі прэзідэнт Турцыі Рэджэп Таіп Эрдаган і генеральны сакратар ААН Антоніу Гутэрыш. Ад расійскага боку дакумент падпісаў міністр абароны Сяргей Шайгу.
Пагадненне па экспарце збожжа з Украіны прадугледжвае яго вываз з трох партоў на Чорным моры. Адзначаецца, што тэрмін дзеяння падпісанага ў Стамбуле пагаднення складае 120 дзён з магчымасцю прадаўжэння.
Раней сёння сваю частку пагаднення падпісала Украіна таксама з прадстаўнікамі Турцыі і ААН.-0-
