9 ліпеня, Мінск /Кар. БЕЛТА/. Авіяцыйныя зносіны Расіі з краінамі СНД могуць быць адноўлены ў жніўні, паведаміў прэзідэнт Расійскага саюза туріндустрыі (РСТ) Андрэй Ігнацьеў, паведамляе ТАСС.
"Магчыма, недзе ў жніўні пачнуцца міжнародныя палёты. Хутчэй за ўсё, гэта будуць краіны СНД", - сказаў Андрэй Ігнацьеў.
Расія з 27 сакавіка поўнасцю закрыла міжнародныя авіязносіны. Паводле слоў Андрэя Ігнацьева, страты турыстычнай галіны з-за пандэміі склалі каля 1,5 трлн расійскіх рублёў і на яе аднаўленне можа спатрэбіцца не менш як паўтара года.-0-