25 мая, Мінск /Кар. БЕЛТА/. Расія высылае пяць шведскіх дыпламатаў у адказ на канфрантацыйныя дзеянні Швецыі, паведамляе ТАСС са спасылкай на заяву МЗС РФ.
Адзначаецца, што пасол Швецыі ў Маскве Малена Мард была выклікана ў расійскае дыпведамства, дзе яе інфармавалі аб тым, што расійскі бок у якасці меры ў адказ на канфрантацыйны курс Швецыі адносна РФ аб'яўляе персонамі нон грата пяць шведскіх дыпламатаў, у тым ліку трох супрацоўнікаў апарата аташэ па пытаннях абароны пры пасольстве Швецыі ў Маскве.
Акрамя таго, з 1 верасня Расійская Федэрацыя адклікае сваю згоду на работу шведскага генконсульства ў Санкт-Пецярбургу, а таксама спыняе работу расійскага генконсульства ў Гётэбаргу.
Раней кіраўнік МЗС Швецыі Тобіяс Більстрэм заявіў, што Стакгольм праняў рашэнне высласць з краіны пяць расійскіх дыпламатаў. Афіцыйны прадстаўнік расійскага знешнепалітычнага ведамства Марыя Захарава назвала гэта часткай узрастаючага антырасійскага курсу і папярэдзіла аб мерах у адказ.-0-
